Það sem ég hef lært frá því að ég byrjaði í 8. bekk í Víkurskóla er að geta unnið sjálfstætt, nýta mér helstu hjálpartæki á netinu svo sem quillbot, skrambi og fleira. Einnig hvernig á að  skipuleggja sig varðandi námið og fleira. Þetta finnst mér vera góðir eiginleikar sem geta nýst mér vel þegar ég kem í menntaskóla og jafnvel háskóla.

Það sem ég á eftir að sakna mest við Víkurskóla er Tedda, matinn hans og Fiona. Fiona hefur alltaf haft trú á mér og haldið mér gangandi síðan í 8. bekk. Ég myndi segja að hún sé kennarinn sem hefur gefið mér mestan innblástur í skólanum, hún gefur alltaf svo góða og jákvæða orku frá sér sem smitast um skólann.

Víkurskóli hefur hjálpað mér að þroskast og dafna. Ég er spennt og tilbúin að takast á við þau verkefni sem bíða mín í næstu skrefum lífs míns. Víkurskóli hefur mótað mig og þeir kennarar og starfsmenn sem hafa sýnt mér áhuga og hjálpað mér að móta mig eins og ég er orðin. Ég geng héðan út bein í baki og stolt af mér og skólanum mínum.